Eilífðarhamingja:

Þegar ég var yngri, vóg ég nokkrum kílóum minna. Ég þurfti aldrei að halda maganum inni þegar ég fór í þröngan kjól.

En nú, þegar ég er orðin eldri, hefur líkami minn brotist til frelsis. Og um þann hluta hans sem einu sinni var mitti, eru þægileg teygjanleg efni.

Ítölsku skórnir þurfa að vera tveim númerum stærri en áður, ef ég kem þá fótunum yfirleitt í þá, og skrefbótin á sokkabuxunum sígur allt of oft niður undir hné.

En ég hef einnig lært að það skiptir engu máli hvað gerist, eða hversu dimmt virðist yfir öllu í dag. Lífið heldur áfram og á morgun kemur betri dagur.

Ég hef lært, að það segir mikið til um manneskjuna hvernig hún bregst við þessum þremur hlutum 1. Rigningardegi 2. Týndum farangri 3. Flæktu jólatrésskrauti

Ég hef lært, að óháð því hvernig samband okkar er við foreldra okkar, Komum við til með að sakna þeirra, þegar þau eru horfin á braut.

Ég hef lært, að það að verða sér úti um peninga og hluti, er ekki það sama og að skapa sér líf.

Ég hef lært, að af og til býður lífið okkur upp á annað tækifæri.

Ég hef lært, að maður getur ekki farið í gegnum lífið með hornabolta-hanska á báðum höndum. Öðru hvoru verðu maður líka að gefa boltann til baka.

Ég hef lært, að þegar ég ákveð eitthvað beint út frá hjartanu, þá hef ég yfirleitt hitt á hina einu réttu ákvörðun.

Ég hef lært, að þó að ég sé sár, þurfi ég ekki að særa aðra.

Ég hef lært, að á hverjum degi eigi maður að rétta öðrum höndina. Allir þurfa hlýjar hugsanir og vinalegt klapp á axlirnar.

Ég hef lært, að ég er alltaf að læra eitthvað nýtt.

Ég hef lært, að það sem þú segir og gerir vill gleymast, en fólk gleymir ekki hvernig þú lætur því líða.

Megi þið eiga góða helgi

               Kær kveðja Rannveig.

 

Hamingjuóskir með afmælið elsku Linda!

Innilegar hamingjuóskir með daginn Linda okkar,

við vonum að þú hafir það sem allra best og sért að njóta dagsins vel.

Bestu afmæliskveðjur frá þínum vinum í Mururima.

 

Smá saga

 

Smá saga til umhugsunar!
 
 
Mamman gekk fram hjá herbergi dóttur
sinnar og varð nokkuð undrandi að sjá að það var búið að búa um rúmið og 
taka vel til í öllu herberginu. Hún sá að það var umslag á miðju rúminu og
á því stóð: TIL MÖMMU. Mjög áhyggjufull opnaði hún umslagið og las
skjálfhent bréfið sem í því var.
 
Elsku mamma. Það hryggir mig nokkuð að
þurfa að segja þér með bréfi þessu að ég er hlaupin að heiman. Ég geri
þetta svona til að koma í veg fyrir að þið pabbi reiðist mér. Ég hef að
undanförnu fundið sterkar tilfinningar til Ahmeds og hann er svo
yndislegur þrátt fyrir öll götin, húðflúrin, skeggið og mótorhjólagallana
sína. En það er ekki bara það mamma mín að ég ber svona sterkar
tilfinningar til hans því að ég er ólétt og Ahmed segir mér að hann sé svo
glaður með það.
Hann er þegar búinn að kaupa hjólhýsi fyrir okkur að búa í og hann er
búinn að safna helling af eldivið til að halda á okkur hita í allan
vetur. Hann er búinn að segja mér að hann langi til að eignast með mér
fullt af börnum og ég er svo innilega sammála honum með það. Ahmed hefur
kennt mér það að marijuana gerir engum illt í raun og veru og ætlar hann
að rækta nóg af því fyrir okkur þannig að við munum eiga nóg af því
afgangs til að skipta á því og kókaíni og E-töflum handa okkur báðum. En
ég vona líka að vísindamenn finni fljótlega lækningu á AIDS svo að Ahmed
mínum batni, hann á það svo skilið!! En ég bið þig að hafa ekki áhyggjur
mamma mín því að ég er nú orðin 15 ára og kann alveg að sjá um mig sjálfa.
Þar að auki er Ahmed orðinn orðinn þrítugur þannig að hann veit vel hvað
hann er að gera. Einhvern daginn ætla ég svo að koma í heimsókn svo að þú
getir hitt öll barnabörnin þín.

Þín dóttir Guðrún.
 
PS: Mamma, ekkert að ofansögðu er satt.
Ég er í heimsókn hjá Siggu í næsta húsi. Mig langaði bara að láta þig vita
að það er margt verra í heiminum en einkunnaspjaldið mitt sem er í efstu
skrifborðskúffunni. Ég elska þig. Láttu mig vita þegar það er óhætt fyrir
mig að koma heim.

Nýjar myndir :)

Bætti inn nokkrum myndum af prinsinum hennar Mæju :)

Setti þær inn í  - börn starfsmanna

Hann er sko bara dúlla!!

Til hamingju með afmælið Ágústa

Innilega til hamingju með afmælið Ágústa :)

Vonandi hefur þú það gott í dag

Kær kveðja frá þínum vinum úr Mururima

Þið eruð klukkuð!

Kæru samstarfsfélagar!

Hér með klukka ég ykkur!

Þið eruð beðin um að setja niður átta atriði um ykkur sjálf á bloggið og klukka svo átta aðra bloggara. Góða skemmtun

Hafið það gott um helgina, kær kveðja Kidda.

Styttist í grillið!!

Grillið sem allir eru búnir að vera bíða eftir styttist óðum - veiiiiiiii

Núna á fimmtudaginn :)

Þetta verður svaka stuð og vonandi ná allir að mæta!!

Mæting kl 17 við Viðeyjarferju við Sundahöfn

Sjáumst í banastuði

 

Ætli þeir á Múlakaffi mæti með svona græjur: